Татарстанда томан һәм бозлавык турында кисәтү игълан ителде

ТР Гидрометүзәге белгечләре Татарстан территориясендә һава торышының начараюы турында кисәтү таратты.

Ведомство мәгълүматлары буенча, 14 мартка каршы төндә һәм иртән республикада, шул исәптән Казанда да, урыны белән томан көтелә.

Шуңа бәйле рәвештә машина йөртүчеләрдән юлларда аеруча игътибарлы булу сорала. Томан һәм көчле бозлавык юл-транспорт һәлакәтләре куркынычын арттыра, шуңа күрә тизлекне киметергә һәм дистанцияне арттырырга киңәш ителә.

Фото: ИИ ярдәмендә ясалган / ТНВ