Татарстанда 17 мартта томан һәм бозлавык көтелә

Сишәмбе, 17 мартта, Татарстанда алмашынучан болытлы һава торышы булачак, сизелерлек явым-төшем көтелми. Төнлә һәм иртән кайбер урыннарда томан төшүе ихтимал.

Җил төньяк-көнчыгыштан 3–8 м/с тизлектә исәчәк. Юлларда урыны белән көчле бозлавык саклана, дип кисәтә ТР Гидрометүзәге белгечләре. Шулай ук температураның кискен үзгәрүе күзәтеләчәк.

Төнлә республика буенча һава температурасы -1…-6 градуска кадәр төшәчәк, аязган вакытта -10 градуска кадәр суытуы мөмкин. Көндез һава +2…+7 градуска кадәр җылыначак, республиканың көнбатыш районнарында кайбер урыннарда +10 градуска кадәр күтәреләчәк.

Казанда төнлә -2…-4 градус, аязганда -7 градуска кадәр суытуы ихтимал. Көндез шәһәрдә һава температурасы +8…+10 градус тәшкил итәчәк.

Фото: Сгенерировать ИИ / ТНВ