19 мартта Татарстанда томан һәм бозлавык көтелә

Пәнҗешәмбе, 19 мартта, Татарстанда явым-төшем фаразланмый. Әмма төнге һәм иртәнге сәгатьләрдә урыны белән томан төшәргә мөмкин, юлларда исә көчле бозлавык саклануы ихтимал. Җил үзгәрүчән юнәлештә, тизлеге 2–7 м/с булачак.

ТР Гидрометүзәге мәгълүматларына караганда, төнлә республикада һава температурасы -1…-6 градуска кадәр төшәчәк, аязган урыннарда -10 градуска кадәр салкынаюы мөмкин. Көндез исә һава +4…+9 градуска, кайбер районнарда +12 градуска кадәр җылыначак.

Казанда төнлә -2…-4 градус, түбән урыннарда -7 градуска кадәр булуы көтелә. Көндез шәһәрдә һава температурасы +9…+11 градуска җитәчәк.

Фото: Сгенерировано ИИ / ТНВ