Иртәгә Татарстанда +11 градуска кадәр җылытачак

Пәнҗешәмбе, 26 мартта, Татарстанда һава торышында сизелерлек үзгәрешләр көтелми. Аязучан болытлы һава булачак, явым‑төшем фаразланмый.

ТР Гидрометүзәге мәгълүматларына караганда, төнлә һәм иртән урыны белән томан булуы мөмкин, юлларда бозлавык саклана. Җил көнчыгыштан, көньяк‑көнчыгыштан исәчәк, тизлеге 3–8 м/с.

Республикада төнлә һава температурасы 0…-5 градус, урыны белән -8 градуска кадәр төшәчәк. Көндез исә +6…+11 градуска кадәр җылытачак.

Казанда төнлә термометр баганалары 0…-2 градус, урыны белән -5 градуска кадәр күрсәтәчәк. Көндез шәһәрдә һава температурасы +9…+11 градус булачак.

Фото: Сгенерировано ИИ / ТНВ