28 мартта Татарстанда +13 градуска кадәр җылытачак

Шимбә, 28 мартта, Татарстанда болытлы, аязучан һава көтелә, явым-төшем булмаячак. Төнлә һәм иртән урыны белән томан төшәргә мөмкин. Җил көнчыгыштан, төньяк-көнчыгыштан, 3–8 м/с, дип хәбәр итә ТР Гидрометүзәге.

Төнлә республикада һава температурасы +2…-2 градус, кайбер урыннарда -5 градуска кадәр төшәчәк. Көндез максималь температура +8…+13 градус була.

Казанда төнлә 0…+2 градус, урыны белән -2 градуска кадәр салкынаю ихтимал. Көндез һава +10…+12 градуска кадәр җылытачак.

Фото: Сгенерировано ИИ / ТНВ