4 апрельдә Татарстанда томан һәм азрак яңгыр көтелә

Шимбә, 4 апрельдә, Татарстанда төнлә аз гына яңгыр яварга мөмкин, ә көндез явым-төшемнәр көнчыгыш районнарда гына урыны белән көтелә, дип хәбәр итә ТР Гидрометүзәге.

Төнге һәм иртәнге сәгатьләрдә томан фаразлана. Җил көньяк-көнбатыштан, көнбатыштан исәчәк: 5–10 м/с, көндез кайбер урыннарда 14 м/с кадәр көчәйүе ихтимал.

Төнлә республикада температура +2…+7 градус (Казанда +4…+6), көндез Татарстан буенча +10…+15 градус (Казанда +12…+14) булачак.

Фото: Сгенерировано ИИ / ТНВ