8 апрельдә Татарстанда урыны белән яңгыр көтелә, көнчыгышта +17гә кадәр җылыта

Чәршәмбе, 8 апрельдә, Татарстанда кайбер урыннарда аз гына яңгыр явуы ихтимал. Җил көньяк-көнбатыштан исеп, соңрак көньяк-көнчыгышка, көнчыгышка күчәчәк, тизлеге 5–10 м/с, дип хәбәр итә ТР Гидрометүзәге.

Чәршәмбегә каршы төндә республикада һава температурасы 0…+5 градус була. Көндез +7…+12 градуска кадәр җылыта, ә көнчыгыш районнарда кайбер урыннарда +17 градуска җитәргә мөмкин.

Казанда алдагы төндә 0…+2 градус көтелә. 8 апрельдә шәһәрдә көндезге максималь температура +10…+12 градус булачак.

Фото: Сгенерировано ИИ / ТНВ