Агачлар ауган, түбәләр очкан, машиналар сытылган: Татарстанда давыл котыра

Татарстанда ике тәүлек буе давыл котыра. Көчле җил күтәрелү һәм яңгыр яву сәбәпле, Идел, Чулман, Нократ елгалары ярларыннан ташый.

Казанда - Локомотив комлыгы янында юлларны юдырган, катерларны бер урыннан икенчесенә күчереп куйган; Яшел Үзәндә елга суы бакча йортларына агып керә. Лаеш ягында "Камское море" дулый. Район хакимияте ярга якын килмәскә өндәде. Шәһәрләрдә зыян күрүчеләр бар. Агачлар ауган, түбәләр очкан, машиналар сытылган.

Табигатьнең көйсезләнүе тагын нинди зыян сала? Радик Гыймаев репортажында.