Татарстанда көчле җил турында кисәтү гамәлдә кала

Бүген Татарстанда җилнең көчәюе турында кисәтү гамәлдә. Гидрометүзәк хәбәр иткәнчә, аның тизлеге урыны белән секундына 20 метрга кадәр җитәргә мөмкин.

Иртәгә, атнаның соңгы эш көнендә, җил бераз тыначак һәм 6-11 м/с тәшкил итәчәк. Күк йөзе болытлы булачак, урыны белән яңгыр явар, кайбер районнарда җепшек кар төшүе дә ихтимал.

Төнлә һава температурасы кискен төшәчәк, кайбер урыннарда -3 градуска кадәр суытачак. Шундый ук һава торышы 1 һәм 2 май көннәрендә дә сакланачак.

Исегезгә төшерәбез, иртәгә — 30 апрельдә — эш көне бер сәгатькә кыскара.

Фото: TNV.RU