7 майда Татарстанда кыска вакытлы яңгырлар һәм яшен көтелә

Пәнҗешәмбе, 7 майда, Татарстанда урыны белән кыска вакытлы яңгырлар һәм яшен көтелә. Җил төньяк-көнбатыштан, соңрак төньяк-көнчыгышка күчәчәк, тизлеге 6–11 м/с булачак. Урыны белән кыска вакытка 15 м/ска кадәр көчәюе мөмкин.

Гидрометеоүзәк фаразы буенча, алдагы төндә республикада һава температурасы +10…+15 градус тәшкил итәчәк. Көндез эссе +22…+27 градуска кадәр көчәячәк.

Казанда пәнҗешәмбегә каршы төндә һава +13…+15 градуска кадәр суытачак, түбән урыннарда +10…+12 градус булачак. Көндез башкалада һаваның максималь температурасы +23…+25 градус тәшкил итәчәк.

Фото: сгенерировано ИИ