Татарстанда эсседән соң кискен салкыннар көтелә: туфракта кырау булуы да мөмкин

Бүген көндез Татарстанның кайбер районнарында һава температурасы +29 градуска кадәр күтәрелде. Әмма инде иртәгә, Җиңү көнендә, эсселек чигенәчәк һәм сизелерлек салкынайтачак.

9 майда көчле җил көтелә, аның тизлеге урыны белән секундына 18 метрга кадәр җитәргә мөмкин. Төнлә кыска вакытлы яңгырлар һәм яшенле яңгыр булуы ихтимал, ә көндез явым-төшем көтелми.

Көндез һава температурасы иң күбе +15 градуска кадәр генә җылыначак. Төнлә исә температура нуль тирәсенә төшәчәк, туфракта кырау булуы да мөмкин.

Фото: ТНВ