Томан һәм яшенле яңгыр: 4 июньгә һава торышы

Пәнҗешәмбе, 4 июнь көнне, Татарстанда алмашынучан болытлы һава торышы көтелә. Төнлә явым-төшемнәр ихтималы аз, әмма республикада томан төшәчәк. Ул иртәнге сәгатьләрдә дә сакланырга мөмкин.

Көндез урыны белән кыска вакытлы яңгырлар явачак, кайбер районнарда яшен булуы ихтимал. Җил төньяк-көнбатыштан исәчәк, тизлеге 6–11 м/с тәшкил итәчәк. Урыны белән җилнең көчәюе 15–17 м/с ка кадәр җитәргә мөмкин.

ТР Гидрометеорология үзәге фаразлары буенча, алдагы төндә республикада һава температурасы +5…+10 градус булачак. Көндез термометр баганалары +20…+25 градуска кадәр күтәреләчәк.

Казанда 4 июньгә каршы төндә һава температурасы +8…+10 градуска кадәр төшәчәк. Көндез шәһәрдә максималь температура +23…+25 градус тәшкил итәчәк.


Фото: ЯИ ярдәмендә ясалган / ТНВ