19 июньдә Татарстанда яңгыр, яшен һәм боз көтелә

Җомга, 19 июньдә, Татарстанда һава торышы үзгәрүчән булачак. Кайбер урыннарда кыска вакытлы яңгырлар явачак, аерым районнарда яшен булуы, шулай ук боз явуы да ихтимал. Бу хакта Татарстан Гидрометеорология үзәгендә хәбәр иттеләр.

Җил көньяк-көнбатыштан исәчәк. Көндез аның тизлеге секундына 15–18 метрга кадәр җитәргә мөмкин. Төнлә һава температурасы +10…+15 градуска кадәр төшәчәк, ә көндез һава +21…+26 градуска кадәр җылыначак.

Казанда һава торышы бераз тынычрак булачак. Шәһәрдә урыны белән яңгыр явачак, җилнең тизлеге 14 метрга кадәр җитәчәк. Төнлә +13…+15 градус көтелә, көндез температура +22…+24 градуска кадәр күтәреләчәк.

Фото: сгенерировано ИИ