Казан Сабан туе көнендә нинди һава торышы көтелә?

Шимбә, 20 июньдә, Татарстанда аязучан болытлы һава торышы көтелә. Төнлә урыны белән аз һәм уртача яңгыр явачак, көндез явым-төшем фаразлана, кайбер районнарда алар көчле булырга мөмкин. Аерым урыннарда яшен һәм боз явуы да ихтимал.

Җил көньяк-көнчыгыштан, соңрак көньяк-көнбатыштан исәчәк. Аның тизлеге секундына 6-11 метр булачак. Көндез урыны белән җилнең кыска вакытка 15-17 метрга кадәр көчәюе мөмкин.

Республикада төнлә һава температурасы +12..+17 градус булачак. Көндез һава +19..+24 градуска кадәр җылыначак. Казанда төнлә +15..+17, ә көндез +19..+21 градус көтелә.

Фото: сгенерировано ИИ