24 июньдә Татарстанда яңгырлы һәм яшенле һава торышы көтелә

Чәршәмбе, 24 июньдә, Татарстанда аязучан болытлы һава торышы булачак. Аз һәм уртача яңгырлар явачак, төнлә урыны белән көчле яңгырлар көтелә, яшен булуы да ихтимал.

Татарстан Гидрометеорология үзәге хәбәр итүенчә, төньяк-көнбатыш җиле секундына 6-11 метр тизлектә исәчәк, урыны белән аның көчәюе 15-18 метрга кадәр җитәчәк. Республика буенча төнлә һава температурасы +12…+17 градус тәшкил итәчәк, көндез һава +20…+25 градуска кадәр җылыначак.

Казанда төнлә +15…+17 градус, көндез +21…+23 градус көтелә. Яңгырлар, кайбер урыннарда яшен, җилнең тизлеге секундына 15 метрга кадәр җитәргә мөмкин.

Фото: Сгенерировано ИИ / ТНВ