Татарстанда көчле җил һәм яңгыр турында кисәтү тараттылар

Татарстан Гидрометүзәге белгечләре көчле шторм җиле һәм явым-төшем турында кисәтү таратты.

Синоптиклар мәгълүматларына караганда, иртәгә республиканың көнчыгыш районнарында көчле яңгырлар көтелә.

Моннан тыш, төньяк һәм төньяк-көнбатыштан искән җилнең тизлеге секундына 15–18 метрга кадәр көчәергә мөмкин. Кайбер урыннарда ул 17–22 метрга җитәчәк, ә Казанда 15–20 метрга кадәр булачак.

Татарстан буенча Гадәттән тыш хәлләр министрлыгы халыкка иминлек чараларын үтәргә киңәш итә.

Фото: ТНВ