Татарстанда ялларга һава торышы билгеле булды

Татарстан Гидрометеорология үзәге синоптиклары республикада яшәүчеләргә һәм кунакларга июльнең беренче ял көннәренең эссе булачагын хәбәр итте.

Фаразлар буенча, шимбә, 4 июльдә, Татарстанда алмашынучан болытлы һава көтелә. Кайбер урыннарда кыска вакытлы яңгырлар явачак. Урыны белән җил тизлеге секундына 13 метрга кадәр җитәргә мөмкин.

Алдагы төндә республика буенча һава температурасы +14…+19 градус тәшкил итәчәк. Казанда +17…+19 градус көтелә.

Көндез Татарстанда термометр баганалары +26…+31 градуска кадәр күтәреләчәк. Республика башкаласында +28…+30 градус булачак.

Фото: Сгенерировано ИИ