Татарстанда салкынаю, яңгырлар һәм көчле җил көтелә

Татарстанда салкынаю дәвам итәчәк. Пәнҗешәмбе көндез әле +21…+26 градус булса, җомга көнне термометр баганалары +15…+20 градуска кадәр төшәчәк. Төнлә һава +10…+15 градуска кадәр суыначак.

Бу көннәрдә республикада төрле көчтәге яңгырлар көтелә: аздан алып көчлегә кадәр, урыны белән яшен һәм боз явуы мөмкин. Җил төньяк-көнбатыштан, көчәйгәндә 20 м/с ка кадәр җитәчәк.

Шимбә көндез +17…+22 градус көтелә, дип хәбәр иттеләр Татарстан Гидрометеорология үзәгендә.

Фото: сгенерировано ИИ