Татарстан Гидрометеоүзәге якын тәүлектә һава торышының бозылуы турында кисәтте

Татарстан Гидрометеоүзәге республикада якын тәүлектә көтеләчәк начар һава торышы турында кисәтү таратты.

Ведомство мәгълүматларына караганда, җомгага каршы төндә, 24 июльдә, республикада кыска вакытлы көчле яңгырлар көтелә.

Аерым районнарда яшен, урыны белән боз явуы ихтимал. Төнге һәм иртәнге сәгатьләрдә томан төшәргә мөмкин. Җил тизлеге 15-20 м/с ка кадәр көчәячәк.

Гидрометеоүзәк фаразлавынча, якын көннәрдә Татарстанда эссе +35 градуска кадәр көчәячәк.

Фото: сгенерировано ИИ