Татарстанда киләсе атнада эссе көчәячәк

Татарстанда якындагы бер атнага һава торышы шартларына җентекле күзәтүне Гидрометүзәк синоптиклары тәкъдим итте. Фаразларга караганда, +30 градустан югары эссе көтелә.

Шулай итеп, сишәмбегә, 4 августка каршы төндә Татарстанның кайбер районнарында яшенле яңгырлар дәвам итәчәк, җил 15–18 м/с ка кадәр көчәячәк, ә һава температурасы +12…+17 градуска кадәр төшәчәк.

Әмма инде 4 август көндез атмосфера басымы күтәрелә башлаячак, явым-төшемнәр туктаячак, кояш болытлар арасыннан күренәчәк. Көндез максималь температура +23…+28 градус тәшкил итәчәк.

Чәршәмбе һәм пәнҗешәмбе көннәрендә, 5–6 августта, республика югары басымлы атмосфера өлкәсендә булачак — явым-төшемнәр көтелми. Төнлә салкынча: +10…+16 градус, пәнҗешәмбе көнне көнбатышта +18 градуска кадәр. Көндез һава +23…+29 градуска кадәр җылыначак. Коры һәм уңайлы һава торышы кимендә ике көн дәвам итәчәк.

Ә ял көннәренә синоптиклар үзгәрешләр фаразлый. 7 һәм 8 августта атмосфера фронты якынлашу сәбәпле, урыны белән кыска вакытлы яшенле яңгырлар яварга мөмкин. Әмма температура түбәнәймәячәк — термометр баганалары +27…+32 градуска кадәр күтәреләчәк.

Фото: TNV.RU