Татарстанда җәй чигенә

 Якын көннәрдә республиканы яңгырлар каплар, ә ял көннәренә һава +4 градуска кадәр суыныр. Бу хакта ТР Гидрометүзәге хәбәр итте.

Пәнҗешәмбе көнне, 13 августта, болытлы һава торышы фаразлана. Урыны белән кыска вакытлы яңгырлар үтәр, яшенле яңгырлар ихтимал. Җил тизлеге секундына 15–17 метрга җитәр. Төнлә һава +11…+16 градуска кадәр төшәр, көндез +18…+23 градуска кадәр күтәрелер.

Җомга көнне, 14 августта, шактый салкынрак булыр. Төнлә термометр баганалары +6…+11 градус күрсәтә, көндез һава +11…+16 градуска гына җылына, көнчыгышта — +19 градуска кадәр. Яңгыр көтелә, җил секундына 6–11 метрга кадәр тына.

Шимбә көнне, 15 августта, тагын да ныграк салкынайту булыр. Төнлә һава +4…+9 градуска кадәр төшәр, көндез — +10…+15 градустан артмас. Явым-төшем саклана, җил секундына 13 метрга кадәр көчәя.

Фото: ТНВ