19 августта Татарстанда һава +30 градуска кадәр җылыначак

Чәршәмбе, 19 августта, Татарстанда җәйге җылы һава торышы урнашачак — һава температурасы +30 градуска кадәр күтәреләчәк. Төнлә кайбер урыннарда аз гына яңгыр явачак, яшенле яңгырлар көтелә.

Төнлә һәм иртән республика территориясенең аерым районнарында томан төшәргә мөмкин. Көндез сизелерлек явым-төшемнәр көтелми. Җил көньяк-көнбатыштан, соңрак көньяк-көнчыгыштан секундына 5–10 метр тизлектә исәчәк. Кайбер урыннарда җилнең кыска вакытка секундына 15 метрга кадәр көчәюе ихтимал.

Чәршәмбегә каршы төндә Татарстанда һава температурасы +10…+15 градус, Казанда +13…+15 градус булачак. Көндез термометр баганалары +25…+30 градуска, башкалада +25…+27 градуска кадәр күтәреләчәк, дип хәбәр итә ТР Гидрометеоүзәге.

Фото: сгенерировано ИИ