Татарстанда җәйнең соңгы көннәре салкын булачак

29–30 августта бәйрәм ялларында Татарстанда төнлә һава температурасы +1…+2 градуска кадәр төшәчәк, көндез +17…+18 градустан артмаячак, дип хәбәр иттеләр ТР Гидрометеорология үзәгендә.

Җомга һәм шимбә, 28 һәм 29 августта, республикада явым-төшемнәр көтелми. Төнлә термометр баганалары +2…+7 градуска кадәр төшәчәк. Җомга көнне һава +13…+18 градуска кадәр җылыначак, шимбә көнне исә +12…+17 градус булачак.

Иң салкын төн якшәмбегә, 30 августка каршы көтелә: һава температурасы +1…+6 градуска кадәр төшәчәк. Көндез дә +13…+18 градустан югары күтәрелмәячәк. Явым-төшемнәр булмаячак.

Фото: TNV.RU