3 сентябрьдә Татарстанда яшен һәм боз яварга мөмкин

3 сентябрь, пәнҗешәмбе көнне, Татарстанда төнлә сизелерлек явым-төшемнәр көтелми. Томан төшәргә мөмкин, ул иртәнге сәгатьләрдә дә сакланачак, дип хәбәр итә ТР Гидрометеорология үзәге.

Көндез һәм кичен кайбер урыннарда кыска вакытлы яңгыр, яшен көтелә, боз яварга мөмкин. Көньяк-көнбатыштан искән җилнең тизлеге секундына 5–10 метр тәшкил итәчәк. Көндез кайбер урыннарда җилнең тизлеге кыска вакытка секундына 13 метрга кадәр көчәергә, яшен вакытында 15–20 метрга җитәргә мөмкин.

Төнлә республикада һава +11…+16 градуска кадәр суыначак, Казанда +14…+16 градус булачак. Көндез Татарстанда +23…+28 градуска кадәр җылытачак, ә башкалада һава температурасы +23…+25 градус тәшкил итәчәк.

Фото: сгенерировано ИИ