9 сентябрьдә Татарстанда көчле яңгырлар, томан һәм яшен көтелә

9 сентябрь, чәршәмбе көнне, Татарстанда төрле интенсивлыктагы яңгырлар фаразлана — урыны белән аз, уртача һәм көчле явым-төшем булырга мөмкин. Төнлә һәм иртән томан, яшен көтелә.

Җил юнәлешен төньякка һәм төньяк-көнчыгышка алыштырачак, тизлеге секундына 6–11 метр тәшкил итәчәк. Кайбер урыннарда җилнең тизлеге 15–18 метрга кадәр җитәргә мөмкин, дип кисәтте Татарстан Гидрометеорология үзәге.

Алдагы төндә республикада һава температурасы +8…+13 градуска кадәр төшәчәк, Казанда — +11…+13 градус. Көндез Татарстанда һава +12…+17 градустан югары күтәрелмәячәк, башкалада +13…+15 градус булачак.

Фото: сгенерировано ИИ