Шимбә көнне Татарстанда явым-төшем көтелми

19 сентябрьдә, шимбә көнне, Татарстанда зур күләмдә явым-төшем көтелми. Төнлә һәм иртән кайбер урыннарда томан төшәргә мөмкин. Җил көньяк-көнбатыштан, секундына 4–9 метр тизлектә исәчәк, дип хәбәр итә Татарстан Гидрометеорология үзәге.

Синоптиклар фаразы буенча, алдагы төндә Татарстанда һава температурасы +2…+7 градуска кадәр төшәчәк, көнбатыш районнарда урыны белән +10 градуска кадәр булачак. Көндез һава +18…+23 градуска кадәр җылыначак.

Казанда шимбәгә каршы төндә һава температурасы +5…+7 градус тәшкил итәчәк, түбән урыннарда +3…+5 градуска кадәр төшәчәк. Көндез һава +19…+21 градуска кадәр җылыначак.

Фото: сгенерировано ИИ