Татарстанда кабат томан турында кисәтү тараттылар

4 сентябрьгә каршы төндә һәм иртән Татарстанда урыны белән томан булырга мөмкин. Тиешле кисәтүне ТР Гидрометеорология үзәге белгечләре игълан итте.

Томан вакытында автомобиль йөртүчеләргә тизлекне киметергә, араны арттырырга, томанга каршы фараларны кабызырга, кискен алымнар ясаудан һәм узып китүләрдән тыелырга киңәш ителә.

Җәяүлеләргә юлны бары тик махсус билгеләнгән урыннардан чыгарга, яктылык кайтаручы элементлар кулланырга һәм яктыртылмаган участокларда аеруча игътибарлы булырга кирәк.

Юлда күрү мөмкинлеге начарайса, имин урында туктап, томан таралганын көтү яхшырак.

Фото: сгенерировано ИИ