Татарстанда 13 октябрьдә һава +23 градуска кадәр җылыначак

Сишәмбе, 13 октябрьдә, Татарстанда аномаль җылы һава торышы сакланачак. Зур явым-төшемнәр әлегә көтелми. Көньяк-көнбатыш һәм көньяк җилнең тизлеге секундына 4–9 метр булачак, көндез урыны белән җил 12 метрга кадәр көчәергә мөмкин.

Татарстан Гидрометеорология үзәге фаразы буенча, алдагы төндә республикада һава температурасы +5…+10 градуска кадәр төшәчәк. Көндез һава +18…+23 градуска кадәр җылыначак.

Казанда 13 октябрьгә каршы төндә һава +8…+10 градуска кадәр суыначак. Көндезге иң югары температура +18…+20 градус тәшкил итәчәк.

Фото: сгенерировано ИИ / ТНВ