Татарстанда октябрь өчен гадәттән тыш җылы һава торышы саклана

Бүген Татарстанда октябрь өчен гадәттән тыш җылы һава торышы сакланачак. Синоптиклар фаразы буенча, төштән соң республикада һава температурасы +19…+24 градуска кадәр күтәреләчәк.

Казанда көндезге иң югары температура +19…+21 градус булачак. Зур явым-төшемнәр көтелми. Урыны белән җилнең тизлеге секундына 12 метрга җитәргә мөмкин.

Моңа кадәр Татарстанда соңарган әбиләр чуагының күпме дәвам итәчәге билгеле булган иде.

Фото: TNV.RU