Арктик антициклон якынлаша: Татарстанда җылы көннәр санаулы гына калды

Бүген Татарстанда һава торышы зур антициклонның көнбатыш чик йогынтысында формалаша. Республикада җылы һәм тыныч һава торышы сакланачак, явым-төшем ихтималы аз. Көньяк-көнчыгыш җилнең тизлеге секундына 4–9 метр булачак.

Татарстан Гидрометеорология үзәге фаразы буенча, бүген төштән соң республикада һава температурасы +18…+23 градуска кадәр күтәреләчәк. Казанда +19…+21 градус җылы көтелә.

Фото: TNV.RU