Татарстанда төнлә 6 градуска кадәр салкын булачак

Сишәмбе, 20 октябрьдә, Татарстанда болытлы һава торышы көтелә, явым-төшемнәр булмаячак. Төньяк-көнчыгыштан искән җил төньяк-көнбатышка күчәчәк, тизлеге секундына 5–10 метр булачак. Төнлә аерым урыннарда җилнең тизлеге секундына 13 метрга кадәр җитәргә мөмкин.

Татарстан Гидрометеорология үзәге фаразы буенча, сишәмбегә каршы төндә республикада һава температурасы -1…-6 градуска кадәр төшәчәк. Көндез һава +7…+12 градуска кадәр җылыначак.

Казанда алдагы төндә һава температурасы -1…-3 градуска кадәр төшәчәк. Түбән урыннарда -5 градуска кадәр салкын көтелә. Көндез шәһәрдә иң югары температура +8…+10 градус булачак.

Фото: сгенерировано ИИ / ТНВ