Татарстанда бүген һава +14 градуска кадәр җылыначак

Бүген Татарстанда һава +9…+14 градуска кадәр җылыначак. Казанда төш вакытыннан соң термометрлар +10…+12 градус күрсәтәчәк.

Татарстан Гидрометеорология үзәге фаразы буенча, бүген явым-төшем көтелми. Җил төньяк-көнчыгыштан һәм көнчыгыштан исәчәк, аның тизлеге секундына 3–8 метр тәшкил итәчәк.

Моңа кадәр Татарстанда октябрьнең аномаль җылы һава торышы белән тәмамланачагы хәбәр ителгән иде.

Фото: TNV.RU