Мәскәүдә метеорологик кыш ноябрь ахырында башланырга мөмкин

Мәскәүдә метеорологик кыш ноябрь ахырында башланырга мөмкин. Бу хакта РИА Новостига Россия Гидрометеорология үзәгенең кыска вакытлы һава торышы фаразлары бүлеге җитәкчесе Александр Голубев хәбәр иткән.

Синоптик сүзләренчә, тәүлек уртача температура нуль аша тотрыклы рәвештә түбәнгә күчкәндә метеорологик кыш башланган дип санала.

Гадәттә бу 14–15 ноябрьдә була, әмма быел вакыты кичектерелә. Кышка күчү, мөгаен, ноябрьнең 20ләренә якынрак булыр.

Белгеч билгеләп үткәнчә, төгәл даталар чын температура күрсәткечләренә бәйле булачак. Төнлә кырау төшүе ихтимал, ә көндез һава температурасы нульдән бераз югары булырга мөмкин.

Фото: сгенерировано ИИ