Бүген Татарстанда явым-төшемсез, җылы һава торышы көтелә

Бүген Татарстанда һава +10…+15 градуска кадәр җылыначак. Республика башкаласында термометр баганалары +11…+13 градуска кадәр күтәреләчәк.

Татарстан Гидрометеорология үзәге фаразы буенча, аз болытлы һава торышы көтелә, явым-төшемнәр булмаячак. Җилнең тизлеге секундына 3–8 метр тәшкил итәчәк, юнәлеше үзгәрүчән булачак.

Моңа кадәр Татарстанда тотрыклы кар капламының кайчан ятачагы һәм декабрьдә нинди һава торышы көтелүе билгеле булды.

Фото: TNV.RU