Татарстанда бүген һава +14 градуска кадәр җылыначак

Бүген иртән Татарстанның кайбер районнарында томан көтелә. Явым-төшемнәр булмаячак.

Төш вакытыннан соң республикада һава +9…+14 градуска кадәр җылыначак. Казанда термометр баганалары +10…+12 градуска кадәр күтәреләчәк.

Татарстан Гидрометеорология үзәге фаразы буенча, җил көньяк-көнбатыштан һәм көнбатыштан исәчәк. Аның тизлеге секундына 3–8 метр тәшкил итәчәк.

Фото: TNV.RU