Татарстан юлларында төнлә һәм иртән бозлавык сакланачак

11 ноябрь, чәршәмбе көнне, Татарстанда яңгыр һәм җепшек кар рәвешендә аз күләмдә явым-төшем көтелә. Көньяк-көнбатыштан искән җилнең тизлеге секундына 6–11 метр булачак. Татарстан Гидрометеорология үзәге хәбәр иткәнчә, төнлә һәм иртән юлларда урыны белән бозлавык барлыкка киләчәк.

Чәршәмбегә каршы төндә республикада һава температурасы +2…-2 градус тәшкил итәчәк. Көндез һава +1…+5 градуска кадәр җылыначак.

Алдагы төндә Казанда 0…+2 градус булачак. Көндез Татарстан башкаласында термометр баганалары +2…+4 градус күрсәтәчәк.

Фото: сгенерировано ИИ