Татарстанда бүген һава +5 градуска кадәр җылыначак

Бүген Татарстанда һава температурасы +1…+5 градуска кадәр күтәреләчәк. Казанда +2…+4 градус җылы булачак.

Татарстан Гидрометеорология үзәге фаразы буенча, республикада урыны белән яңгыр һәм җепшек кар явачак. Юлларның аерым урыннарында бозлавык көтелә.

Җил көньяк-көнбатышка борылачак, аның тизлеге секундына 6–11 метр тәшкил итәчәк. Элегрәк табиблар Татарстан халкын көн яктысы вакыты кыскару сәбәпле көзге боегулы халәт турында кисәткән иде.

Фото: TNV.RU