Татарстанда бүген җил секундына 14 метрга кадәр көчәячәк

Бүген Татарстанда көньяк-көнбатыштан искән җил көчәячәк, урыны белән аның тизлеге секундына 14 метрга кадәр җитәчәк. Шулай ук яңгыр һәм җепшек кар рәвешендә аз күләмдә явым-төшем көтелә. Юлларның аерым урыннарында бозлавык барлыкка килергә мөмкин.

Татарстан Гидрометеорология үзәге фаразы буенча, төштән соң республикада һава +1…+4 градуска кадәр җылыначак. Казанда +1…+3 градус җылы көтелә.

Моңа кадәр Россиянең атказанган метеорологы Роза Шәфикова Казанда 145 еллык күзәтүләр дәвамында ноябрьдә көнлек абсолют температура рекордлары 13 тапкыр яңартылуын хәбәр иткән иде.

Фото: TNV.RU