Татарстанда 14 ноябрьдә көчле җил һәм яңгыр көтелә

14 ноябрь, шимбә көнне, Татарстанда яңгыр, урыны белән җепшек кар явачак. Көньяк-көнчыгыштан искән җилнең тизлеге аерым урыннарда секундына 16–21 метрга кадәр җитәчәк, дип кисәтте Татарстан Гидрометеорология үзәге.

Шимбәгә каршы төндә республикада һава температурасы -1…+2 градуска кадәр төшәчәк. Көндез һава +3…+8 градуска кадәр җылыначак.

Алдагы төндә Казанда термометр баганалары 0…+2 градус күрсәтәчәк. Көндез Татарстан башкаласында һаваның иң югары температурасы +6…+8 градус булачак.

Фото: сгенерировано ИИ / ТНВ