Интерьюга татарча гына җавап биргән егет барлыгы 3 тел белә

Башкортстанның Чакмагыш районы Рапат авылында яшәүче 23 яшьлек Илмир Миңнекәев, Уфа ипподромында биргән интервьюдан соң танылды.

Ул бу чабышта беренче килә. Журналист аның шатлыгын уртаклашырга баргач, рус телендәге  сорауларына Илмир татарча гына җавап бирә. Кемдер аны принципиаль татар дип атады, кемдер болай да була икән дип гажәпләнде.

ТНВ хәбәрчеләре Илмир белән очрашты. Әйдәгез, татар гаиләсендә үсүче, атлар асраучы егетнең үзе белән танышыйк.