Татарстанда фермер продуктларын сату буенча онлайн-платформа эшли башлады

Татарстанда «Agraroom» фермер продуктларын сату буенча сервис эшли башлады. Әлеге онлайн-платформа ярдәмендә фермерлар чималны арадашчылардан башка отышлы сата алачаклар, дип белдерделәр республиканың Сәүдә-сәнәгать палатасында.

Биредәге сатучылар белән җентекле эш алып барыла. Товарларның сыйфатында шик булырга тиеш түгел, дип белдерә платформаны төзүчеләр.

Хәзер программа тест режимында эшли. Анда 30 җитештерүченең продукциясе тәкъдим ителгән.

Фото: pixabay.com