"Туган авылым": Киров өлкәсе Иске Йөрек белән таныштырабыз

ТНВда «Туган авылым» тапшыруының яңа чыгарылышы дөнья күрде. Без сезне Киров өлкәсе Иске Йөрек авылы белән таныштырачакбыз. Тапшыруны Альберт Шакиров алып бара.

Әлеге авыл - безнең тапшыруда чыккан иң борыңгы авылларның берсе. Аның тарихы 1400нче елларда ук башланган.

«Туган авылым» Татарстаннан читтә урнашкан татар авылларын танытуга, тарихны, биредә яшәүчеләрнең гореф-гадәтләрен яктыртуга, шулай ук әлеге авыллардан чыккан күренекле шәхесләр белән таныштыруга юнәлдерелгән.

"Туган авылым"ны ике иҗат төркеме җитештерә. Алып баручылар - Альберт Шакиров һәм Рүзәл Әхмәдиев. Экспертлар сыйфатында Татарстан Республикасы Фәннәр Академиясе әгъзалары.