Иртәгә Казанда соңгы язгы авыл хуҗалыгы ярминкәләре узачак

Иртәгә, 22 апрельдә, Казанда соңгы язгы авыл хуҗалыгы ярминкәләре узачак. Бу хакта Казан мэриясенең матбугат үзәге хәбәр итә.

Биредә яшелчә, җиләк-җимеш, ит һәм башка ризыкларны кибетнеке белән чагыштырганда кимрәк бәягә сатып алып булачак. Ярминкәдә Республиканың 22 районында, 19 агросәнәгать комплексларында җитештерелгән азык-төлек тәкъдим ителәчәк.

Ярминкәләр иртәнге 6дан көндезге 12гә кадәр Казанның 6 районында эшлиячәк.

Фото: kzn.ru