Татарстан районнары иртәдән кичкә кадәр кырда: Әле 1,5 млн гектар ашлык җыясы бар

Бөтен Татарстан урып-җыюга актив кушылды. Барлык районнар да кырларда бүген. Авыл хуҗалыгы хезмәтчәннәренә миллион ярым гектар ашлык җыярга туры киләчәк.

Бүгенге көндә бу саннар 400 000 тоннага җитә. Республика буенча уртача уңыш гектарыннан 30 центнер. Кайбер хуҗалыкларда күрсәткечләр югарырак.

Аксубай, Яңа Чишмә, Зәй һәм Әлки районнарында мәйданнарның дүрттән бер өлеше җыелган инде. ТНВ корреспонденты Вероника Гайнетдинова урып-җыю кампаниясе барышын күзәтә.