Татарстан игенчеләре бүгенгә 2 миллион тонна ашлык җыеп алган

Татарстан игенчеләре бүгенгә 2 миллион тонна ашлык җыеп алган.

Бу - Татарстандагы урып-җыю мәйданнарының яртысында эш төгәлләнгән дигәнне аңлата. Уртача уңыш гектарыннан 27 центнерны тәшкил итә. Узган ел белән чагыштырганда, бу 10 центнерга кимрәк. Билгеле булганча, быелгы һава торышы уңышка шактый зыян салды.

Яз ахыры-җәй башы салкын һәм кыраулы килде. Соңыннан эссе һәм корылык булды. Тик шуңа да карамастан, быелгы күрсәткечләр начар түгел, ди авыл хуҗалыгы белгечләр. Теманы Рүзәл Шәрипов дәвам итә.