Татарстанда яшәүчеләргә орлык бәрәңгесен кайчан казу яхшырак икәнлеген аңлаттылар

Татарстанның тәҗрибәле бакчачылары бәрәңгене кайчан алырга кирәклеге турында сөйләделәр, дип хәбәр итә «Идел таңнары» басмасы.

Белгечләр сүзләренчә, бәрәңгенең өлгерүенә һәм һава шартларына карарга кирәк, әмма сентябрь уртасыннан да соңга калмыйча. Аны җылы һәм коры һава температурасы 15-20 градус булганда җыю яхшырак.

Туфрак температурасы җиде градустан түбән булганда файдалы матдәләрнең бер өлеше югала һәм начаррак саклана. Бәрәңгене орлыкка куйганчы, аны бер атнага салкынча урында калдырырга кирәк.

Фото: freepik.ru