Балтачта балыкчы 12 килограммлы чуртан тоткан

Татарстанның Балтач районы Чепья авылында 68 яшьлек Борис Караваев 12 килограммлы чуртан балыгы тоткан. Бу хакта районның "Хезмәт" газетасы хәбәр итә. 

Ир-ат кечкенәдән балык тотарга яраткан. Әлеге байлыкны кайсы сулыктан тотуын сер итеп калдырган. Чын балыкчы үз сулыгын күршесенә әйтми, диләр. 

Элегрәк казанлы Иделгә барып 90 килограммлы җәен тотып кайткан дип язган идек. 

Фото: baltaci.ru