Татарстанда терлекчелек комплексында янгында алты кеше һәлак булган

Бүген төнлә Татарстанның Алабуга районы Малореченский бистәсендәге терлекчелек комплексы территориясендә эшчеләр вакытлыча яши торган йортта янгынны сүндерү барышында алты ир-атның гәүдәсен тапканнар, дип хәбәр итә ТР Гадәттән тыш хәлләр министрлыгы матбугат хезмәте.

Янгын чыккан вакытта бинада барлыгы 39 кеше булган. Урамга мөстәкыйль рәвештә 33 кеше чыккан, аларның берсе зыян күргән. Янгын мәйданы 300 квадрат метр тәшкил иткән.

Янгынның башлангыч сәбәбе - электр җиһазлары белән файдалану кагыйдәләрен бозу. Килеп чыккан факт буенча прокуратура тикшерү оештырды.