Рөстәм Миңнеханов Лаеш һәм Балык Бистәсе районнарында эш барышы белән танышты

Бүген Татарстан Рәисе Рөстәм Миңнеханов Лаеш һәм Балык Бистәсе районнарында кырдагы эш барышы белән танышты.

"Безнең авыл хезмәтчәннәре - республикабыз горурлыгы. Алар бу көннәрдә ялны белмичә көне-төне басуларда эшли, илебезне азык-төлек белән тәэмин итә! Лаеш һәм Балык бистәсе районнарында ярты уңыш инде суктырылган һәм уртача уңдырышлык һәр гектардан 40 центнер тирәсе тәшкил итә", - дип яза Рәис үзенең телеграм каналында.

Рөстәм Миңнеханов Лаешның Нурминкә авылында 4,5 мең гектар сөрү җирләрен эшкәртүче җирле агрофирманың җитештерү базасын караган, ә Балык Бистәсендә 215 бала шөгыльләнә торган балалар сәнгать мәктәбенең яңа бинасы белән танышкан.

Фото: t.me/rustamminnikhanov