2025 елга нәтиҗә: авыл халкы гозерләрен ничек хәл итәчәкләр?

«Россиянең көчен - авыл җирлекләренең куәтеннән башка күз алдына китереп булмый». Рөстәм Миңнеханов Республиканың муниципаль берәмлекләр советы утырышында шулай дип белдерде.

Хәзер Татарстан - муниципалитетларның саны буенча илдә беренче урында тора. Бездә 956 үзидарә советында 15 мең кеше эшли. 113е - махсус хәрби операциядә катнашкан депутатлар. Ел башында Федераль үзәктән - үзидарә системасына җитди үзгәреш кертү тәкъдиме белән чыкканнар иде. Бүгенге утырыш - Татарстанның ул вакытта дөрес юл сайлаганын күрсәтте, ди катнашучылар. Зур очрашудан - Рүзәл Шәрипов репортажы.